ઉનાળુ તલના પાકમાં ૨૫ થી ૩૦ દિવસે કરવાની અગત્યની માવજત
ગુજરાતમાં અત્યારે ઘણા ખેડૂત મિત્રોએ ઉનાળુ તલનું વાવેતર કર્યું છે. તલનો પાક જ્યારે ૨૫ થી ૩૦ દિવસનો થાય છે, ત્યારે તે વૃદ્ધિ અને ડાળીઓ ફૂટવાની મુખ્ય અવસ્થાએ હોય છે.
આ સમયે પાકને જો યોગ્ય અને સમયસર માવજત મળી જાય, તો છોડનો વિકાસ ખૂબ સારો થાય છે અને ઉત્પાદનમાં સારો એવો વધારો મેળવી શકાય છે. ચાલો જાણીએ અગત્યની માવજતો વિશે:
પૂર્તિ ખાતર દ્વારા પોષણ
પાક ૩૦ દિવસનો થાય ત્યારે ડાળીઓના વિકાસ માટે નાઈટ્રોજનની સખત જરૂર હોય છે.
- યુરિયા: ૧ વીઘે અંદાજે ૮ થી ૯ કિલો યુરિયા આપી શકાય.
- યુરિયાનો શ્રેષ્ઠ વિકલ્પ (એમોનિયમ સલ્ફેટ): જો તમે યુરિયા ન વાપરવા માંગતા હોવ, તો એમોનિયમ સલ્ફેટનો ઉપયોગ કરી શકો છો. આમાં સલ્ફર પણ હોય છે, જે તેલના ટકા વધારે છે. પ્રમાણ: ૧ વીઘે ૧૫ થી ૨૦ કિલો આપી શકાય.
એગ્રીબોન્ડ 'ઓલ ઇન વન' નો ઉપયોગ
પાકના સર્વાંગી વિકાસ, ડાળીઓ વધુ ફૂટવા અને પાંદડાની લીલાશ જાળવી રાખવા માટે આનો ઉપયોગ કરી શકો છો.
- પ્રમાણ: ૧૫ લિટર પાણીના પંપમાં ૧૦ ગ્રામ ભેળવીને છંટકાવ કરવો અથવા ૧ એકરે ૧૦૦ ગ્રામ પિયત સાથે આપી દેવું. આનાથી ગુણવત્તામાં નોંધપાત્ર સુધારો થશે.
પિયત વ્યવસ્થા: ત્રીજું પિયત
તલના પાકમાં સામાન્ય રીતે ત્રીજું પિયત ૨૦ થી ૨૫ દિવસની આસપાસ આપવું ખૂબ જરૂરી છે.
- કટોકટીનો સમય: ડાળીઓ ફૂટવાનો સમય (૩૦-૩૫ દિવસ) એ પાણી માટેની 'કટોકટીની અવસ્થા' ગણાય છે.
- ખાતર આપ્યા બાદ તુરંત જ પિયત આપવું ફરજિયાત છે.
ફૂગ અને સુકારાનું નિયંત્રણ
પિયત આપ્યા પછી જો ખેતરમાં ભેજ વધુ રહે, તો થડનો સડો કે મૂળખાઈ જોવા મળે છે અને છોડ સુકાઈ જાય છે.
- રાસાયણિક નિયંત્રણ: ૧ વીઘે આશરે ૨૦૦ થી ૨૫૦ ગ્રામ કાર્બેન્ડાઝીમ + મેન્કોઝેબ (જેમ કે સાફ પાવડર) પિયતમાં પાણીની સાથે આપી દેવું.
- જૈવિક નિયંત્રણ (સૌથી ઉત્તમ): ૧ વીઘે ૫૦૦ ગ્રામ ટ્રાયકોડર્મા વિરીડી અને એટલું જ સ્યુડોમોનાસ ફ્લોરેસન્સ પિયતમાં આપવું.
નિંદામણ અને આંતરખેડ
પાકના મૂળના સારા વિકાસ માટે જમીનમાં હવાની અવરજવર ખૂબ જરૂરી છે.
- નિંદામણ: ઘાસ ઉગ્યું હોય તો મજૂરો દ્વારા હાથ વડે તાત્કાલિક નિંદામણ કરાવી લેવું.
- આંતરખેડ: બે હાર વચ્ચે આંતરખેડ કરવી. તેનાથી જમીન પોચી બને છે અને ભેજ જળવાઈ રહે છે.
પારવણી - જો બાકી હોય તો
જો ખેતરમાં તલના છોડ એકદમ ઘાટા ઉગ્યા હોય, તો પારવણી કરવી અતિ આવશ્યક છે.
- બે છોડ વચ્ચે ૧૦ થી ૧૫ સેમી (૪-૬ ઇંચ) નું અંતર રાખવું.
- નબળા અને રોગિષ્ઠ છોડ ઉપાડી લેવા, જેથી તંદુરસ્ત છોડને પૂરતો સૂર્યપ્રકાશ મળી રહે.
રોગ અને જીવાત નિયંત્રણ
આ અવસ્થામાં પાન અને માથાં ખાનારી ઈયળ કે ચુસિયા જીવાત (મોલો-મશી, તડતડિયા) નો ઉપદ્રવ શરૂ થઈ શકે છે.
- ઉપાય: સાવચેતીના ભાગરૂપે લીમડા આધારિત દવા (નીમ ઓઈલ અથવા અઝાડીરેક્ટીન) નો છંટકાવ કરી દેવો.
લાઈક કરવા માટે લોગ ઈન કરો.
કોમેન્ટ કરવા માટે લોગ ઈન કરો.