ઉનાળુ મગની વૈજ્ઞાનિક ખેતી પધ્ધતિ

વાવેતર સમય :-

• સામાન્ય રીતે ઉનાળુ મગનું વાવેતર ૨૫ ફેબ્રુઆરી થી ૨૫ માર્ચ સુધીના સમયમાં કરવા થી ઉત્પાદન વધુ મળે છે.

વાવેતર અંતર :-

• બે હાર વચ્ચે ૩૦ સે. મી.

• બે છોડ વચ્ચે ૧૦ સે. મી.

જમીનની તૈયારી :-

• ગોરાડું, મધ્યમ કાળી તેમજ જે જમીનમાં સેન્દ્રિય તત્વો વધારે હોય તેવી જમીન મગના પાક માટે વધુ અનુકૂળ આવે છે.

• ઉનાળુ મગ કરવા માટે જમીનમાં એકરે ૪ થી ૫ ટન સારું કોહવાયેલું છાણીયું ખાતર નાખવાથી જમીનની ફળદ્રુપતા જળવાઈ રહેશે.

બિયારણ દર :-

• ૫ કિલો/એકર

• બીજ માવજતમાં મેન્કોઝેબ ૫૦% + કાર્બેન્ડાઝીમ ૨૫% ૩ ગ્રામ/કિલો દવાનો પટ આપવો.

ખાતર :-

• ઉનાળુ મગમાં પાયાનાં ખાતર તરીકે

• યુરીયા - ૧૮ કિલો/એકર

• ડી. એ. પી. - ૩૫ કિલો/એકર

નિંદણ નિયંત્રણ :-

• પેન્ડીમીથેલીન - ૭૦ થી ૮૦ મિલી/પંપ પ્રમાણે પાક અને નિંદણ ઉગ્યાં પહેલા છંટકાવ કરવો.

પિયત :-

• મગનું વાવેતર કર્યા પછી વરાપ થયેથી પિયત આપવું.

• ૨૫ થી ૩૦ દિવસે ફૂલની શરૂઆત થયા પછી પિયત આપવું.

• જમીન હલકી હોય તો પ્રથમ ૨૦ દિવસે અને ત્યાર બાદ ૧૦ થી ૧૫ દિવસનાં અંતરે ૪ થી ૫ વખત પિયત આપવું.

• જો વાવેતર કોરામાં કર્યું હોય તો વાવેતર બાદ તરત જ આપવું.

• બીજું પિયત પાંચમાં દિવસે સારા ઉગાવા માટે આપવું અને તે પછી ૧૫ દિવસનાં અંતરે ૪ થી ૫ પિયત આપવાથી સારું ઉત્પાદન મળે છે.