ટેકાના ભાવ પર મગફળી, મગ, અડદ અને સોયાબીન વેચાણ માટે ખેડૂતોને તક – નોંધણી શરૂ

ગુજરાતના ખેડૂતો માટે એક મહત્વપૂર્ણ સમાચાર છે. આવનારા સીઝનમાં મગફળી, મગ, અડદ અને સોયાબીન જેવા પાકો ટેકાના ભાવ (MSP) પર વેચાણ કરવા માટે હવે નોંધણી શરૂ થઈ ગઈ છે. સરકાર દ્વારા આપવામાં આવેલી આ સુવિધા ખેડૂતોને તેમની મહેનતનો યોગ્ય ભાવ મળે તે માટે છે.

નોંધણીની તારીખો – ભૂલશો નહીં

• ૧ સપ્ટેમ્બર થી ૧૫ સપ્ટેમ્બર ૨૦૨૫
• આ સમયગાળા દરમિયાન જ નોંધણી ફરજિયાત છે.
• જે ખેડૂત નોંધણી કરશે તે જ ટેકાના ભાવ પર પાક વેચી શકશે.

ક્યાં કરશો નોંધણી?

• ઈ-સમૃદ્ધિ પોર્ટલ
• ઈ-ગ્રામ કેન્દ્રો / ગ્રામ્ય કક્ષાના સેન્ટરો
• VCE મારફતે સંપૂર્ણપણે મફતમાં

નોંધણી માટે જરૂરી દસ્તાવેજોની યાદી

નોંધણી કરતી વખતે ખેડૂત ભાઈઓએ નીચેના દસ્તાવેજો તૈયાર રાખવા જરૂરી છે:

1.    ૭/૧૨ (સાત બાર) દાખલો – ખેતીની જમીનનો વિગતવાર રેકોર્ડ (પાકની માહિતી સહિત).

2.    ૮-અ દાખલો – જમીનની માલિકીનો પુરાવો.

3.    આધાર કાર્ડ – ઓળખ પુરાવા તરીકે.

4.    જમીનધારકનું બેંક પાસબુક – પૈસા સીધા ખાતામાં જમા કરવા માટે.

5.    મોબાઇલ નંબર – OTP / નોંધણીની માહિતી માટે.

6.    જો સંયુક્ત જમીન હોય તો તમામ માલિકોના દસ્તાવેજો જરૂરી.

આ વર્ષે MSP કેટલો છે?

કૃષિ મંત્રીનું નિવેદન

કૃષિ મંત્રી રાઘવજી પટેલે જણાવ્યું:

“ગત વર્ષે ગુજરાતના ૮.૫૩ લાખથી વધુ ખેડૂતો પાસેથી રૂ. ૧૬,૨૨૩ કરોડના મૂલ્યના ૨૩.૪૭ લાખ મેટ્રિક ટન પાકની ખરીદી ટેકાના ભાવે કરવામાં આવી હતી. આ વર્ષે પણ રાજ્યના ખેડૂતો પાસેથી પૂરતા પ્રમાણમાં ખરીદી કરવામાં આવશે. દરેક ખેડૂત ભાઈએ સમયસર નોંધણી કરાવી લેવી જરૂરી છે.”

ખેડૂતો માટે માર્ગદર્શન

• નોંધણી ફરજિયાત છે – નોંધણી વગર MSP પર પાક વેચાણ શક્ય નથી.
• જરૂરી તમામ દસ્તાવેજો (૭/૧૨, ૮-અ, આધાર, બેંક ખાતું) તૈયાર રાખો.
• ઈ-ગ્રામ કેન્દ્રો પર જઈને સરળતાથી વિનામૂલ્યે નોંધણી કરાવી શકો છો.
  
  

ખેડૂત ભાઈઓ, તક ચૂકી ના જશો – સમયસર નોંધણી કરાવો અને પાકનો યોગ્ય ભાવ મેળવો.

કપાસ ઉગાડનાર ખેડૂત માટે આ સમાચાર ચોંકાવનારા છે…

સંપૂર્ણ માહિતી વાંચો :- https://agribond.short.gy/cotton-import-alert