ડાંગ, નવસારી, વલસાડ, તાપી, સુરત, ભરૂચ અને નર્મદા જિલ્લાઓમાં ૧ થી ૬ જુલાઈ દરમિયાન છૂટાછવાયા સ્થળોએ ભારે થી અતિ ભારે વરસાદની આગાહી છે.

ખેડૂતો માટે સલાહ:

• ખેતરમાં પાણીનો ભરાવો ન થાય તે માટે યોગ્ય નિકાલની વ્યવસ્થા અગાઉથી કરી લેવી.
• આ સમયગાળામાં રાસાયણિક દવાઓનો છંટકાવ મુલતવી રાખવો.

સૌરાષ્ટ્રના વાતાવરણમાં વિવિધતા જોવા મળશે. જૂનાગઢ, અમરેલી, ભાવનગર અને ગીર સોમનાથમાં ભારે વરસાદ પડવાની શક્યતા છે.

• સુરેન્દ્રનગર, જામનગર, પોરબંદર, મોરબી, દ્વારકા અને બોટાદમાં મધ્યમ મેઘગર્જના સાથે હળવાથી મધ્યમ વરસાદની શક્યતા છે.
• રાજકોટમાં ૪ અને ૫ જુલાઈના રોજ ભારે વરસાદની શક્યતા છે.

અમદાવાદ, ગાંધીનગર, ખેડા, આણંદ, પંચમહાલ અને દાહોદમાં મોટાભાગના દિવસોમાં મધ્યમ મેઘગર્જના સાથે હળવાથી મધ્યમ વરસાદની આગાહી છે, (૪૦-૫૦ કિમી/કલાક પવન).

વડોદરા અને છોટા ઉદેપુરમાં ૪ થી ૬ જુલાઈ દરમિયાન છૂટાછવાયા સ્થળોએ ભારે વરસાદ પડી શકે છે.

બનાસકાંઠા, પાટણ અને મહેસાણા જિલ્લાઓમાં ૧ જુલાઈના રોજ હવામાન મોટાભાગે સૂકું રહેવાની શક્યતા છે.

• જોકે, ૨ થી ૬ જુલાઈ દરમિયાન આ વિસ્તારોમાં છૂટાછવાયા સ્થળોએ ગાજવીજ સાથે હળવાથી મધ્યમ વરસાદની શક્યતા છે.