શું આપનાં જીરું મા પણ કાળીયો અથવા ચરમી નો પ્રશ્ન જોવા મળે છે?

રોગ ના લક્ષણો :-

• પાક જયારે ૩૦ થી ૩પ દિવસ નો થાય ત્યારે આ રોગ જોવા મળે છે.

• શરૂઆતમાં પાન પર નાના કથ્થાઈ રંગના ટપકો જોવા મળે છે.જેનું  કદ સમય જતાં વધે છે અને ડાળીયો પર બદામી રંગની પટ્ટી જોવા મળે છે.

• રોગ ફેલાવતી ફૂગને અનુકૂળ વાતાવરણ મળતાં ખૂબજ સકીય બની ઝડપથી ફેલાવા લાગે છે.અને અંતે આખા છોડ કાળા પડી સૂકાઈ જાય છે.

• રોગીષ્ટ છોડ પર ફલ બેસતા નથી અને જો દાણા બેસે તો પણ તે ચીમળાયેલા  અને વજનમાં હલકા રહે છે.

અનુકૂળ વાતાવરણ :-

• છોડની વધુ પડતી સંખ્યા (ઓછા અંતરે એટલે કે ઘાટું વાવેતર કરેલ હોય)

• કમોસમી વરસાદ

• વાદળ છાયુ વાતાવરણ

• કયારામાં વધુ પડતો પાણી નો ભરાવ

નિયંત્રણ :-

• ૧૫ થી રપ ઓકટોબર વચ્ચે વાવણી કરવી.

•  બીજને વાવતાં પહેલા મેન્કોઝેબ ફૂગનાશક દવાનો ૧ કીલો બીજ દીઠ ૩ ગ્રામ પ્રમાણે પટ આપવો.

• પુંખીને વાવેતર કરવાને બદલે ૩૦ સે.મી ના ગાળે ચાસમાં વાવણી કરવી અને પિયત બાદ આંતર ખેડ કરવી.

• કયારા ખુબજ નાના અને સમતલ બનાવવા જેમાં હલક પિયત આપવું.

• રોગ આવવાની રાહ જોયા વિના પાક ૩૦ થી ૩૫ દિવસનો થાય ત્યારે ફૂગનાશક પાઉડર (કાર્બન્ડેઝીમ ૧૨% + મેન્કોઝેબ ૬૩%) ૩૫ ગ્રામ/પંપ + તેની સાથે સ્ટીકર (ગુંદરીયો) ૫ ગ્રામ/પંપ લઈને છંટકાવ કરવો. (હાલ વાતાવરણમાં જે ફેરફાર થાય છે તેને ધ્યાનમાં રાખીને આ છંટકાવ કરવો હિતાવહ છે) અને સાતથી આઠ દિવસ પછી ફરી છંટકાવ કરવો.