શું તમે પણ ધાણા નું વાવેતર કરો છો ?

વાવેતર સમય :-

• નવેમ્બર માસનું પ્રથમ કે બીજું અઠવાડીયું

• દિવસનું મહતમ તાપમાન ૩૦ ડિગ્રી આજુબાજુ હોવું જરૂરી છે

વાવેતર અંતર :-

• જમીનની પ્રત પ્રમાણે બે હાર વચ્ચે ૩૦ સે. મી. અંતર

• કાયરામાં  વાવણી બાદ ૩૦ દિવસે હારમાં બે છોડ વચ્ચે ૧૦ થી ૧૫ સે. મી. અંતર રહે તે પ્રમાણે પારવણી કરવી.

વાવેતર પદ્ધતિ :-

• વાવતા પહેલાં આખા ધાણાને ધીમા દબાણથી બે ભાગ (ફાડિયાં) કરવાથી બીજને જરૂરીયાત ઘટે.

બિયારણ દર :-

• ૩ થી ૩.૫ કિલો/વિઘા

બીજ માવજત :-

• બિયારણ ને જમીનજન્ય અને ફૂગજન્ય રોગોથી બચાવવા માટે ૧ કિલો બિયારણ દીઠ ૩ ગ્રામ કાર્બન્ડાઝીમ દવાનો પટ આપવો.

ખાતર :-

• ધાણાના પાકમાં પાયાનાં ખાતર તરીકે એનપીકે અથવા ૨૦-૨૦-૦-૧૩ અંદાજીત ૧૫ થી ૨૦ કિલો/વિઘા અને સાથે ઝિંક તત્વો ધરાવતું ખાતર ૨૦૦ ગ્રામ/વિઘા આપવું.

• વાવણીના ૩૦ દિવસ બાદ યુરીયા ૧૫ કિલો/વિઘા હારમાં છોડથી ૫ સે.મી. દુર સાંજના સમયે પગ ટકે તેવા ભેજમાં આપવું.

પિયત :-

• ધાણામાં કુલ પાંચ થી છ પિયત ૧૫ દિવસના ગાળે આપવા.

• આમ છતાં જમીનની પ્રત પ્રમાણે પિયત ઓછા વત્તા કરી સારું ઉત્પાદન લઈ શકાય છે.

નિંદામણ :-

• જો ખૂબ જ સમસ્યા હોય તો વાવણી વખતે પેન્ડીમીથાલીન ૩૦% ૫૦૦ મિલી ના દરે પ્રતિ એકરમાં માત્ર વહેતા પાણી સાથે આપવું.  (ઘાણા અને નીંદામણ ઉગતાં પહેલાં)