સુરત, ડાંગ, નવસારી, વલસાડ અને તાપીમાં આગામી દિવસોમાં ભારેથી અતિ ભારે વરસાદની અને અમુક જગ્યાએ અત્યંત ભારે વરસાદની આગાહી છે.

ખેડૂતો માટે સલાહ:

• ખેતરમાંથી વધારાના વરસાદી પાણીના નિકાલની યોગ્ય વ્યવસ્થા કરવી.
• શેરડી અને કેળા જેવા પાકોને પવનથી બચાવવા વાંસનો ટેકો આપવો.
• હાલમાં કોઈપણ પ્રકારના રાસાયણિક ખાતર કે દવાનો છંટકાવ સંપૂર્ણપણે મુલતવી રાખવો.

પંચમહાલ, દાહોદ અને મહીસાગરમાં અત્યંત ભારે વરસાદ પડી શકે છે. અરવલ્લી, ખેડા, આણંદ, વડોદરા, છોટા ઉદેપુર અને નર્મદામાં પણ ભારેથી અતિ ભારે વરસાદની આગાહી છે.

અમરેલી, ભાવનગર, ગીર સોમનાથ અને બોટાદમાં ભારે વરસાદની શક્યતા છે. જ્યારે રાજકોટ, જામનગર અને પોરબંદરમાં છૂટાછવાયા સ્થળોએ હળવાથી મધ્યમ વરસાદ રહેશે.

સાબરકાંઠા અને ગાંધીનગરમાં ભારેથી અતિ ભારે વરસાદની આગાહી છે. બનાસકાંઠા અને પાટણમાં મધ્યમથી ભારે વરસાદની શક્યતા છે.

• કચ્છમાં સપ્તાહ દરમિયાન હળવાથી મધ્યમ વરસાદ છૂટાછવાયા સ્થળોએ પડી શકે છે.