|
1
પાકવાનો સમય Maturity Time
આ જાતના છોડવાને સંપૂર્ણ રીતે તૈયાર થવામાં ૮૫ થી ૯૦ દિવસનો સમય લાગે છે.
ફાયદો: ટૂંકા ગાળામાં તૈયાર થતો હોવાથી ખેડૂતો માટે તે અનુકૂળ રહે છે.
2
ફ્લાવરીંગ Flowering
આ જાતમાં ફૂલ આવવાની પ્રક્રિયા ઝડપી અને એકસાથે જોવા મળે છે.
ખાસિયત: વાવણી કર્યાના ૪૮ થી ૫૨ દિવસમાં અંદાજિત ૫૦% જેટલું ફ્લાવરીંગ થઈ જાય છે.
3
છોડની ઊંચાઈ Plant Height
આ જાતના છોડની ઊંચાઈ ૪૦ થી ૪૫ સેન્ટીમીટર (સે.મી.) જેટલી થાય છે.
ફાયદો: મર્યાદિત ઊંચાઈ હોવાથી પાકની સારસંભાળ લેવામાં સરળતા રહે છે.
4
સીંગો અને ઉત્પાદન Pods & Yield
આ જાતની સીંગો લાંબી અને સારી ગુણવત્તાવાળી જોવા મળે છે. એક સીંગમાં દાણાની સંખ્યા સામાન્ય જાતો કરતા વધુ હોય છે.
ફાયદો: સીંગમાં દાણાની સંખ્યા વધુ હોવાથી એકંદરે ઉત્પાદન પણ વધુ મળે છે. બજારમાં મળતી બીજી જાત કરતાં આ ‘રાજી સુપર’ જાત વધુ ઉપજ આપે છે.
1
જમીનની તૈયારી Land Preparation
- ચોમાસુ કે ઉનાળુ પાક લેવા માટે અગાઉના પાકના જડિયાં વીણી, 1 થી 2 વાર હળ કે કરબથી ખેડ કરવી.
- જમીનને સમાર મારી સમતળ અને ભરભરી બનાવવી, જેથી વધારાના પાણીનો નિકાલ સરળતાથી થઈ શકે.
2
જમીન અને આબોહવા Soil & Climatic Requirements
- જમીન: ચોળીના પાકને સારી નિતારશક્તિવાળી, ગોરાડુ, બેસર કે મધ્યમ કાળી જમીન વધુ અનુકૂળ રહે છે.
- આબોહવા: ગરમ અને ભેજવાળું વાતાવરણ (25°C થી 35°C તાપમાન) પાકના વિકાસ માટે શ્રેષ્ઠ છે.
3
બીજ માવજત Seed Treatment
- ફૂગજન્ય રોગો અટકાવવા 1 કિલો બીજદીઠ 3 ગ્રામ થાયરમ અથવા કેપ્ટાન ફૂગનાશકનો પટ આપવો.
- વાવતા પહેલાં બીજને રાઇઝોબિયમ (Rhizobium) કલ્ચરનો પટ આપી છાંયામાં સૂકવીને વાવેતર કરવું.
4
વાવેતર સમય Sowing Time
- ચોમાસુ (ખરીફ): જૂન માસના અંતથી જુલાઈના પ્રથમ અઠવાડિયામાં વરસાદની શરૂઆતે વાવેતર કરવું.
- ઉનાળુ (Summer): 15 ફેબ્રુઆરી થી 15 માર્ચની વચ્ચે વાવેતર કરવું (ઠંડી ઓછી હોય ત્યારે). ઉનાળુ ચોળીમાં રોગ-જીવાતનો પ્રશ્ન ઓછો રહે છે.
5
બીજદર અને વાવેતર અંતર Seed Rate & Spacing
- બીજદર: વાવણી માટે હેક્ટરે 15 થી 20 કિલોગ્રામ પ્રમાણિત બિયારણનો ઉપયોગ કરવો.
- અંતર: ચોમાસુ પાકમાં બે હાર વચ્ચે 45 સે.મી. અને છોડ વચ્ચે 10 સે.મી., જ્યારે ઉનાળુ પાકમાં બે હાર વચ્ચે 30 સે.મી. અને છોડ વચ્ચે 10 સે.મી. અંતર રાખવું.
6
ખાતર વ્યવસ્થાપન Fertilizer Management
- પાયાનું ખાતર: કઠોળ વર્ગનો પાક હોવાથી નાઇટ્રોજનની જરૂરિયાત ઓછી રહે છે. પાયામાં હેક્ટરે 20 કિ.ગ્રા. નાઇટ્રોજન અને 40 કિ.ગ્રા. ફોસ્ફરસ (અંદાજે 87 કિ.ગ્રા. ડીએપી) આપવું.
- પૂર્તિ ખાતરની કોઈ ખાસ જરૂર રહેતી નથી.
7
પિયત વ્યવસ્થાપન Irrigation Schedule
- ચોમાસુ: વરસાદ આધારિત ખેતીમાં વરસાદ ખેંચાય ત્યારે જ પિયત આપવું.
- ઉનાળુ: વાવણી બાદ તરત પિયત આપવું. ત્યારબાદ જમીનની પ્રત મુજબ 8-10 દિવસે પિયત આપવું.
- નાજુક અવસ્થાઓ: પાકમાં ડાળીઓ ફૂટતી વખતે, ફૂલ આવવાની શરૂઆતે અને શિંગોમાં દાણા ભરાતી વખતે ભેજની ખેંચ ન પડવા દેવી.
8
નિંદામણ વ્યવસ્થાપન Weed Management
- વાવણી બાદ શરૂઆતના 30 થી 40 દિવસ સુધી પાકને નિંદામણ મુક્ત રાખવો ખૂબ જરૂરી છે.
- 1 થી 2 વાર આંતરખેડ કરવી અને જરૂર મુજબ હાથ નિંદામણ કરવું.
- રાસાયણિક નિયંત્રણ માટે વાવણી બાદ અને બીજ ઊગતા પહેલા પેન્ડીમીથેલીન (1.0 કિ.ગ્રા. સક્રિય તત્વ/હેક્ટર) 500 લિટર પાણીમાં છાંટી શકાય.
9
જીવાત નિયંત્રણ Pest Management
- ચુસિયા જીવાતો (મોલો-મશી, થ્રીપ્સ, સફેદ માખી): શરૂઆતમાં લીંબોળીનું તેલ અથવા ઉપદ્રવ વધે તો ઈમિડાક્લોપ્રીડ કે ડાયમીથોએટનો છંટકાવ કરવો.
- શિંગ કોરી ખાનાર ઈયળ: નિયંત્રણ માટે ક્લોરાન્ટ્રાનીલીપ્રોલ 18.5 એસ.સી. (3 મિ.લી./10 લિટર પાણી) અથવા સ્પીનોસાદનો છંટકાવ કરવો.
10
રોગ નિયંત્રણ Disease Management
- પીળો પચરંગો (Yellow Mosaic Virus): આ રોગ સફેદ માખી દ્વારા ફેલાતો હોવાથી સફેદ માખીનું નિયંત્રણ કરવું. રોગ પ્રતિકારક જાતો (જેમ કે ગુજરાત ચોળી-4, 5) પસંદ કરવી.
- ભૂકી છારો: નિયંત્રણ માટે હેક્ઝાકોનાઝોલ 5 ઈ.સી. (10 મિ.લી.) અથવા દ્રાવ્ય ગંધક (30 ગ્રામ) 10 લિટર પાણીમાં ભેળવી છાંટવી.
11
કાપણી અને વીણી Harvesting & Threshing
- શાકભાજી માટે: શિંગો કુમળી અને લીલી હોય ત્યારે જ ઉતારી લેવી.
- દાણા માટે: ચોળીની શિંગો 70-80% જેટલી પાકીને કાળા કે ભૂખરા રંગની થાય ત્યારે વીણી કરવી. અથવા છોડને જમીન સરસા કાપી લેવા.
12
કાપણી પછીનું વ્યવસ્થાપન Post Harvest
- વીણી કરેલી શિંગો અથવા કાપેલા છોડને સૂર્યપ્રકાશમાં સારી રીતે સૂકવવા.
- બરાબર સુકાઈ જાય ત્યારબાદ થ્રેશરમાં અથવા લાકડીથી ફટકારીને દાણા કાઢવા. દાણામાં 8-10% ભેજ રહે ત્યારે સાફ કરી સંગ્રહ કરવો.
ઇન્દ્ર સીડ્સ પ્રા. લિ.
સરનામું:
૩૦૯, સર્કલ-પી, પ્રહલાદનગર પિક-અપ સ્ટેન્ડ, એસ.જી. હાઇવે, સેટેલાઇટ, અમદાવાદ - ૩૮૦૦૧૫. (ગુજરાત)
મોબાઈલ:
૯૦૯૯૦૯૯૧૨૧
ઇમેઇલ:
જીએસટી નંબર:
24AACCI2775D1ZU
સેમ્પલ મેળવવા માટે અરજી કરો




