રાજી ૩૦૧ - રિસર્ચ તુવેર બિયારણ

રેટિંગ: | 0.00

1

પાકવાનો સમય Maturity Time

આ જાત ૧૪૦ થી ૧૬૦ દિવસમાં કાપણી માટે સંપૂર્ણ તૈયાર થઈ જાય છે.

ફાયદો: મધ્યમ સમયગાળામાં પાક તૈયાર થતો હોવાથી ખેડૂત સમયસર પાકની કાપણી કરી અન્ય ઋતુના પાક માટે જમીન જલ્દી ખાલી કરી શકે છે.
2

છોડની ઊંચાઈ Plant Height

આ જાતનો છોડ ૫ થી ૫.૫ ફૂટ જેટલો ઊંચો થાય છે.

ફાયદો: આદર્શ ઊંચાઈ હોવાથી પાકની જાળવણી, દવાનો છંટકાવ અને કાપણી કરવામાં મજૂરોને ખૂબ સરળતા રહે છે.
3

ડાળીઓ અને ફૂટ Branching

આ જાતમાં એક જ છોડ પર ૨૫ થી ૪૦ જેટલી ડાળીઓ ફૂટે છે.

ખાસિયત: વધુ ડાળીઓ એટલે વધુ ફૂલ અને વધુ શીંગો, જે સીધી રીતે વધુ અને માતબર ઉત્પાદન તરફ દોરી જાય છે.
4

શીંગો અને ઉત્પાદન Pods & Yield

આ જાતમાં શીંગો છૂટીછવાઈ નહિ, પરંતુ મોટા ઝુમખામાં આવે છે. બજારમાં મળતી અન્ય સામાન્ય જાતોની સરખામણીમાં આમાં ૧૦% વધુ ઉત્પાદન મળે છે.

ફાયદો: શીંગો ઝુમખામાં આવવાથી છોડ પર શીંગો અને દાણાનું પ્રમાણ વધે છે, એટલે ખેડૂતની આર્થિક આવકમાં સ્પષ્ટ વધારો થાય છે.
5

રોગ પ્રતિકારક શક્તિ Disease Resistance

આ જાત સુકારો અને અન્ય સામાન્ય રોગો સામે લડવાની ઉત્તમ ક્ષમતા ધરાવે છે.

ફાયદો: ખાસ કરીને તુવેરમાં આવતા 'સુકારા' ના રોગ સામે રક્ષણ મળવાથી પાક નિષ્ફળ જવાની શક્યતા ઘટે છે અને મોંઘી દવાઓનો ખર્ચ બચે છે.
6

પાણીની જરૂરિયાત Water Requirement

બિન-પિયત સ્થિતિમાં (ઓછા પાણીએ) પણ તે સારો ઉતારો આપવા સક્ષમ છે.

ફાયદો: વરસાદ આધારિત ખેતી કરતા ખેડૂતો માટે કે જ્યાં પિયતની પૂરતી સગવડ નથી, ત્યાં આ જાત આશીર્વાદરૂપ સાબિત થાય છે.
7

આંતરપાક માટે અનુકૂળ Intercropping Suitability

અન્ય પાક સાથે વાવવા (આંતરપાક/Intercropping) માટે આ આદર્શ પસંદગી છે.

ફાયદો: ખેડૂત કપાસ, મગફળી કે અન્ય કોઈ મુખ્ય પાકની સાથે આંતરપાક તરીકે તુવેર વાવીને જમીનનો મહત્તમ ઉપયોગ કરી બેવડી આવક મેળવી શકે છે.

તુવેરની વૈજ્ઞાનિક ખેતી પદ્ધતિ - Agribond

જમીનની તૈયારી Land Preparation

1
  • ચોમાસા પહેલા ઉનાળામાં હળથી ઊંડી ખેડ કરવી જેથી અગાઉના પાકના જડિયાં અને કચરો નાશ પામે.
  • વાવણી પહેલા કરબ અને સમાર મારી જમીનને સમતળ અને ભરભરી બનાવવી.

જમીન અને આબોહવા Soil & Climatic Requirements

2
  • જમીન: સારી નિતારશક્તિવાળી, ગોરાડુ, બેસર કે મધ્યમ કાળી જમીન વધુ માફક આવે છે. ક્ષારવાળી કે પાણી ભરાઈ રહે તેવી જમીન અનુકૂળ નથી.
  • આબોહવા: તુવેરને ગરમ અને ભેજવાળું વાતાવરણ અનુકૂળ છે, પરંતુ પાકવા સમયે સૂકું વાતાવરણ હોવું જરૂરી છે.

બીજ માવજત Seed Treatment

3
  • ફૂગજન્ય રોગોથી બચવા વાવતા પહેલાં ૧ કિલો બીજદીઠ ૩ ગ્રામ થાયરમ અથવા કેપ્ટાન ફૂગનાશકનો પટ આપવો.
  • કઠોળ વર્ગનો પાક હોવાથી વાવણી પહેલા બીજને રાઇઝોબિયમ (Rhizobium) અને પીએસબી (PSB) કલ્ચરનો પટ આપી છાંયામાં સૂકવવું.

વાવેતર સમય Sowing Time

4
  • ચોમાસુ (ખરીફ): વાવણીલાયક વરસાદ થયા પછી જૂનના અંતથી જુલાઈના પ્રથમ પખવાડિયામાં વાવેતર કરવું શ્રેષ્ઠ છે.

બીજદર અને વાવેતર અંતર Seed Rate & Spacing

5
  • બીજદર: સામાન્ય રીતે હેક્ટરે ૧૫ થી ૨૦ કિલોગ્રામ પ્રમાણિત બિયારણનો ઉપયોગ કરવો.
  • અંતર: બે હાર વચ્ચે ૯૦ થી ૧૨૦ સે.મી. અને છોડ વચ્ચે ૬૦ સે.મી. નું અંતર રાખવું.

ખાતર વ્યવસ્થાપન Fertilizer Management

6
  • પાયાનું ખાતર: કઠોળ વર્ગનો પાક હોવાથી નાઇટ્રોજનની જરૂરિયાત ઓછી રહે છે. વાવણી સમયે હેક્ટરે ૨૦ કિ.ગ્રા. નાઇટ્રોજન અને ૪૦ કિ.ગ્રા. ફોસ્ફરસ (અંદાજે ૮૭ કિ.ગ્રા. ડીએપી) આપવું.
  • પૂર્તિ ખાતરની ખાસ જરૂરિયાત રહેતી નથી.

પિયત વ્યવસ્થાપન Irrigation Schedule

7
  • મુખ્યત્વે વરસાદ આધારિત પાક હોવાથી ચોમાસામાં વરસાદ ખેંચાય ત્યારે પિયત આપવું.
  • નાજુક અવસ્થાઓ: પાકમાં ડાળીઓ ફૂટતી વખતે, ફૂલ બેસવાની શરૂઆતે અને શિંગોમાં દાણા ભરાતી વખતે પાણીની ખેંચ બિલકુલ ન પડવા દેવી.

નિંદામણ વ્યવસ્થાપન Weed Management

8
  • વાવણી બાદ શરૂઆતના ૪૦-૪૫ દિવસ સુધી પાકને નિંદામણ મુક્ત રાખવો ખૂબ જરૂરી છે. ૨ થી ૩ વાર આંતરખેડ કરવી.
  • રાસાયણિક નિયંત્રણ માટે વાવણી બાદ અને બીજ ઊગતા પહેલા પેન્ડીમીથેલીન (૧.૦ કિ.ગ્રા. સક્રિય તત્વ/હેક્ટર) ૫૦૦ લિટર પાણીમાં છાંટી શકાય.

જીવાત નિયંત્રણ Pest Management

9
  • શિંગ કોરી ખાનાર ઈયળ અને લીલી ઈયળ: આ તુવેરની સૌથી નુકસાનકારક જીવાતો છે.
  • નિયંત્રણ માટે ક્લોરાન્ટ્રાનીલીપ્રોલ ૧૮.૫ એસ.સી. (૩ મિ.લી./૧૦ લિટર પાણી) અથવા ફ્લુબેન્ડીયામાઇડનો છંટકાવ કરવો.

રોગ નિયંત્રણ Disease Management

10
  • સુકારો (Wilt) અને વાંજિયો રોગ (Sterility Mosaic): આ રોગોથી બચવા રોગ પ્રતિકારક જાતો (ગુજરાત તુવેર-૧૦૦, ૧૦૪ વગેરે) વાવવી.
  • સુકારાના નિયંત્રણ માટે જમીનમાં ટ્રાઈકોડર્મા (૨.૫ કિ.ગ્રા./હેક્ટર) આપવું અને પાકની ફેરબદલી કરવી.

કાપણી અને વીણી Harvesting & Threshing

11
  • શાકભાજી માટે લીલી શિંગો ઉતારી લેવી.
  • દાણા (કઠોળ) માટે છોડ પરના મોટાભાગના પાન ખરી જાય અને શિંગો સુકાઈને બદામી રંગની થાય ત્યારે છોડને દાતરડાથી જમીન સરસા કાપી લેવા.

કાપણી પછીનું વ્યવસ્થાપન Post Harvest

12
  • કાપેલા છોડના પૂળા બાંધીને ખળામાં ૪-૫ દિવસ સૂર્યપ્રકાશમાં સારી રીતે સૂકવવા.
  • બરાબર સુકાઈ જાય એટલે થ્રેશરથી દાણા અલગ કરવા. દાણામાં ૮-૧૦% ભેજ રહે ત્યારે સાફ કરી સંગ્રહ કરવો.

ઇન્દ્ર સીડ્સ પ્રા. લિ.

સરનામું:
૩૦૯, સર્કલ-પી, પ્રહલાદનગર પિક-અપ સ્ટેન્ડ, એસ.જી. હાઇવે, સેટેલાઇટ, અમદાવાદ - ૩૮૦૦૧૫. (ગુજરાત)
મોબાઈલ:
૯૦૯૯૦૯૯૧૨૧
ઇમેઇલ:
જીએસટી નંબર:
24AACCI2775D1ZU

સેમ્પલ મેળવવા માટે અરજી કરો