|
1
પાકવાનો સમય Maturity Time
આ જાત ૭૦ થી ૭૫ દિવસમાં સંપૂર્ણ પાકીને તૈયાર થઈ જાય છે.
ફાયદો: ઓછા સમયમાં પાક તૈયાર થતો હોવાથી ખેડૂતોને સમયનો બચાવ થાય છે અને બીજી વાવણી માટે જમીન જલ્દી ખાલી મળે છે.
2
સીંગોની ખાસિયત Pod Characteristics
આ છોડમાં સીંગો ગુચ્છામાં (લૂમમાં) આવે છે.
ખાસિયત: ખાસ વાત એ છે કે સીંગો છેક નીચેથી જ આવવાની શરૂઆત થાય છે, જેથી છોડ પર સીંગોની સંખ્યા વધુ હોય છે.
3
ઉત્પાદન ક્ષમતા Yield Capacity
આ જાત બીજી જાતો કરતાં વધારે ઉપજ (ઉત્પાદન) આપે છે.
ફાયદો: ગુચ્છામાં સીંગો અને મોટા દાણા હોવાથી ખેડૂતોને વીઘે સારો ઉતારો મળે છે.
4
દાણાની ગુણવત્તા Grain Quality
રાજી-૪૧+ ના દાણા કદમાં મોટા હોય છે.
ફાયદો: દાણા મોટા અને ચમકદાર હોવાથી બજારમાં વેચતી વખતે ખેડૂતોને ફાયદો થાય છે.
5
છોડની ઊંચાઈ Plant Height
છોડની ઊંચાઈ મધ્યમ એટલે કે ૪૫ થી ૬૦ સે.મી. જેટલી રહે છે.
ફાયદો: ઊંચાઈ મધ્યમ હોવાથી કાપણી વખતે ખૂબ જ અનુકૂળ રહે છે.
1
જમીનની તૈયારી Land Preparation
- અડદના પાક માટે ૧ થી ૨ વાર હળ કે કરબથી ખેડ કરી જમીનને પોચી અને ભરભરી બનાવવી.
- જમીન સમતળ કરવી જેથી પિયત આપવામાં અને વરસાદના વધારાના પાણીના નિકાલમાં સરળતા રહે.
2
જમીન અને આબોહવા Soil & Climatic Requirements
- જમીન: સારી નિતારશક્તિવાળી, ગોરાડુ, બેસર કે મધ્યમ કાળી જમીન વધુ અનુકૂળ રહે છે. ભારે અને પાણી ભરાઈ રહેતી જમીન માફક આવતી નથી.
- આબોહવા: ગરમ અને ભેજવાળું વાતાવરણ વધુ માફક આવે છે (૨૫°C થી ૩૫°C તાપમાન).
3
બીજ માવજત Seed Treatment
- ફૂગજન્ય રોગોથી બચવા ૧ કિલો બીજદીઠ ૩ ગ્રામ થાયરમ અથવા કેપ્ટાન ફૂગનાશકનો પટ આપવો.
- વાવતા પહેલાં બીજને રાઇઝોબિયમ (Rhizobium) અને પીએસબી (PSB) કલ્ચરનો પટ આપી છાંયામાં સૂકવીને વાવેતર કરવું.
4
વાવેતર સમય Sowing Time
- ચોમાસુ (ખરીફ): જૂન માસના અંતથી જુલાઈના પ્રથમ પખવાડિયામાં વરસાદની શરૂઆતે વાવેતર કરવું.
- ઉનાળુ (Summer): ૧૫ ફેબ્રુઆરી થી ૧૫ માર્ચની વચ્ચે વાવેતર કરવું (જ્યારે ઠંડી ઓછી હોય).
- નોંધ: ઉનાળુ અડદમાં રોગ અને જીવાતનો ઉપદ્રવ ઓછો રહે છે. ગુજરાત અડદ-૧ જેવી જાતો ઉનાળુ વાવેતર માટે શ્રેષ્ઠ છે.
5
બીજદર અને વાવેતર અંતર Seed Rate & Spacing
- બીજદર: ચોમાસુ પાક માટે હેક્ટરે ૧૫-૨૦ કિલો અને ઉનાળુ પાક માટે હેક્ટરે ૨૦-૨૫ કિલો બિયારણ વાપરવું.
- અંતર: ચોમાસુ પાકમાં બે હાર વચ્ચે ૪૫ સે.મી. અને છોડ વચ્ચે ૧૦ સે.મી., જ્યારે ઉનાળુ પાકમાં બે હાર વચ્ચે ૩૦ સે.મી. અને છોડ વચ્ચે ૧૦ સે.મી. અંતર રાખવું.
6
ખાતર વ્યવસ્થાપન Fertilizer Management
- પાયાનું ખાતર: કઠોળ વર્ગનો પાક હોવાથી નાઇટ્રોજનની જરૂરિયાત ઓછી રહે છે. વાવણી સમયે હેક્ટરે ૨૦ કિ.ગ્રા. નાઇટ્રોજન અને ૪૦ કિ.ગ્રા. ફોસ્ફરસ (અંદાજે ૮૭ કિ.ગ્રા. ડીએપી) આપવું.
- સારી ગુણવત્તા અને ઉત્પાદન માટે હેક્ટરે ૨૦ કિ.ગ્રા. સલ્ફરનો ઉપયોગ પણ ફાયદાકારક છે.
7
પિયત વ્યવસ્થાપન Irrigation Schedule
- ચોમાસુ: વરસાદ ખેંચાય ત્યારે અને જરૂરિયાત મુજબ પિયત આપવું.
- ઉનાળુ: વાવણી બાદ તુરંત પિયત આપવું. પછી જમીનની પ્રત મુજબ ૮-૧0 દિવસના અંતરે ૫ થી ૬ પિયત આપવા.
- નાજુક અવસ્થાઓ: પાકમાં ડાળીઓ ફૂટતી વખતે, ફૂલ આવવાની શરૂઆતે અને શિંગોમાં દાણા ભરાવાના સમયે ભેજની ખેંચ ન પડવા દેવી.
8
નિંદામણ વ્યવસ્થાપન Weed Management
- વાવણી બાદ શરૂઆતના ૩૦-૩૫ દિવસ સુધી પાકને નિંદામણ મુક્ત રાખવો ખૂબ જરૂરી છે.
- ૧ થી ૨ વાર આંતરખેડ કરવી અને જરૂર મુજબ હાથ નિંદામણ કરવું.
- રાસાયણિક નિયંત્રણ માટે વાવણી બાદ અને બીજ ઊગતા પહેલા પેન્ડીમીથેલીન (૧.૦ કિ.ગ્રા. સક્રિય તત્વ/હેક્ટર) જમીન પર છાંટી શકાય.
9
જીવાત નિયંત્રણ Pest Management
- ચુસિયા જીવાતો (મોલો-મશી, થ્રીપ્સ, સફેદ માખી): શરૂઆતમાં લીંબોળીનું તેલ અથવા ઉપદ્રવ વધે તો ઈમિડાક્લોપ્રીડ કે ડાયમીથોએટનો છંટકાવ કરવો.
- શિંગ કોરી ખાનાર ઈયળ: નિયંત્રણ માટે ક્લોરાન્ટ્રાનીલીપ્રોલ ૧૮.૫ એસ.સી. (૩ મિ.લી./૧૦ લિટર પાણી) અથવા સ્પીનોસાદનો છંટકાવ કરવો.
10
રોગ નિયંત્રણ Disease Management
- પીળો પચરંગો (Yellow Mosaic Virus): આ રોગ સફેદ માખી દ્વારા ફેલાતો હોવાથી સફેદ માખીનું નિયંત્રણ કરવું. રોગ પ્રતિકારક જાતો (જેમ કે ગુજરાત અડદ-૧) પસંદ કરવી.
- ભૂકી છારો: નિયંત્રણ માટે હેક્ઝાકોનાઝોલ ૫ ઈ.સી. (૧૦ મિ.લી.) અથવા દ્રાવ્ય ગંધક (૩૦ ગ્રામ) ૧૦ લિટર પાણીમાં ભેળવી છાંટવી.
11
કાપણી અને વીણી Harvesting & Threshing
- અડદની શિંગો ૭૦-૮૦% જેટલી પાકીને કાળા રંગની થાય ત્યારે પ્રથમ વીણી કરવી.
- જો પાક એકસાથે પાકતો હોય (Uniform maturity), તો છોડને દાતરડાની મદદથી જમીન સરસા કાપીને કાપણી કરી શકાય છે.
12
કાપણી પછીનું વ્યવસ્થાપન Post Harvest
- વીણી કરેલી શિંગો અથવા કાપેલા છોડને સૂર્યપ્રકાશમાં સારી રીતે સૂકવવા.
- બરાબર સુકાઈ જાય ત્યારબાદ થ્રેશરમાં અથવા લાકડીથી ફટકારીને દાણા કાઢવા. દાણામાં ૮-૧૦% ભેજ રહે ત્યારે સાફ કરી ભેજમુક્ત જગ્યાએ સંગ્રહ કરવો.
ઇન્દ્ર સીડ્સ પ્રા. લિ.
સરનામું:
૩૦૯, સર્કલ-પી, પ્રહલાદનગર પિક-અપ સ્ટેન્ડ, એસ.જી. હાઇવે, સેટેલાઇટ, અમદાવાદ - ૩૮૦૦૧૫. (ગુજરાત)
મોબાઈલ:
૯૦૯૯૦૯૯૧૨૧
ઇમેઇલ:
જીએસટી નંબર:
24AACCI2775D1ZU
સેમ્પલ મેળવવા માટે અરજી કરો
Our only aim is to make farming more and more prosperous.
